Malaybalay City, Bukidnon – Arestado ang isang lalaki sa kasong Murder sa isinagawang intel driven operation ng Malaybalay City PNP sa Pal-ing, Brgy. Patpat, Malaybalay City, Bukidnon nito lamang Martes, Setyembre 13, 2022.
Kinilala ni Police Lieutenant Colonel Ritchie Salva, Hepe ng Malaybalay City Police Station, ang suspek na si Ryle Gabayan, 19, BJMP Detainee at residente ng San Roque, Brgy. Sinanglanan, Malaybalay City, Bukidnon.
Ayon kay PLtCol Salva, bandang 12:05 ng tanghali inihain ng mga tauhan ng Malaybalay City Police Station katuwang ang Bureau of Jail Management and Penology (BJMP)-Bukidnon laban sa suspek ang Warrant of Arrest sa kasong Murder na walang inirekomendang piyansa.
Ang matagumpay na operasyon laban sa suspek ay resulta ng magandang ugnayan at pagmamalasakit ng mamamayan at pulisya para sa kaayusan at kaligtasan tungo sa kaunlaran ng probinsya.
Panulat ni Patrolman Joshua Fajardo/RPCADU 10
