Kibawe, Bukidnon – Timbog ang isang lalaki sa kasong Murder sa isinagawang operasyon ng Bukidnon PNP sa Brgy. Balintawak, Kibawe, Bukidnon nito lamang Hulyo 2, 2022.
Kinilala ni Police Colonel Jun Mark Lagare, Provincial Director ng Bukidnon Police Provincial Office, ang naarestong suspek na si Rolando Jorillo Alambatac, 25, magsasaka at residente ng Purok-4, Base Camp, Maramag, Bukidnon.
Ayon kay PCol Lagare, ang suspek ay naaresto bandang 8:19 ng umaga ng mga operatiba ng Kibawe Municipal Police Station katuwang ang 1003rd Manuever Company ng Regional Mobile Force Battalion 10 sa bisa ng Warrant of Arrest na walang rekomendadong piyansa.
Ang PNP ay patuloy sa paghahanap at paghuli sa mga taong may pananagutan sa batas upang ang kanilang mga naging biktima ay mabigyan ng agarang hustisya.
###
Panulat ni Patrolman Jomhel Tan/RPCADU 10
