Arestado ang isang lalaki na may kasong Murder at nahulihan ng baril at bala sa isinagawang operasyon ng mga awtoridad sa Palengke ng Brgy. Malandag, Malungon, Sarangani Province nito lamang ika-22 ng Disyembre 2023.
Kinilala ni Police Brigadier General Jimili Macaraeg, Regional Director ng Police Regional Office 12, ang naarestong suspek na si alyas “Yet”, 31, may asawa, at residente ng Barangay Tacub, Kiblawan Davao del Sur.
Inaresto si Yet ng mga tauhan ng Malungon Municipal Police Station kasama ang mga operatiba ng Davao Del Sur PNP, Sarangani PNP at Regional Mobile Force Battalion 12 sa bisa ng Warrant of Arrest sa kasong Murder na walang rekomendadong piyansa.
Habang inaaresto ang suspek ay nakuhanan pa ito ng isang kalibre .45 na baril na may kasamang dalawang magazine na kargado ng mga bala.
Dahil rito, patuloy ang panawagan ni PBGen Macaraeg sa mamamayan na huwag matakot magsumbong at huwag magsawang magbigay ng impormasyon sa kinauukulan upang madakip ang mga taong may pagkakasala sa batas upang mabigyan ng karampatang kaparusahan at hindi na makagawa muli ng panibagong pagkakasala.
Panulat ni Patrolman Khnerwin Jay A Medelin
