Zamboanga City – Arestado ang isang lalaki sa isinagawang Law Enforcement Operation ng Zamboanga City PNP sa Brgy. Pasonanca, Zamboanga City nito lamang Setyembre 19, 2022.
Kinilala ni Police Colonel Alexander Lorenzo, Acting City Director ng Zamboanga City Police Office, ang suspek na si Joel Lim Esperat alyas “Oweng”, 36, may asawa at residente ng Sitio Uwak Kabisayaan, Brgy. San Roque, Zamboanga City.
Ayon kay PCol Lorenzo, bandang 10:24 ng gabi nang naaresto ang suspek sa Brgy. Pasonanca, Zamboanga City ng mga operatiba ng Zamboanga City Police Office-Station 7 sa bisa ng Warrant of Arrest sa kasong Homicide.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
