Zamboanga City – Arestado ang isang lalaki habang kumukuha ng police clearance sa Brgy. Sangali, Zamboanga City nito lamang Enero 3, 2023.
Kinilala ni Police Colonel Alexander Lorenzo, City Director ng Zamboanga City Police Office, ang naarestong suspek na si alyas “Nelson”, 25, walang asawa at residente ng Lunday, Zamboanga Del Norte.
Ayon kay PCol Lorenzo, bandang 3:00 ng hapon nang maaresto ang suspek ng mga operatiba ng Zamboanga City Police Station 3 sa bisa ng Warrant of Arrest sa kasong Frustrated Murder na may inirekomendang piyansa na Php200,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
