Bukidnon – Timbog ang isang lalaki sa kasong Frustrated Murder sa Purok 5, Brgy. Poblacion, Valencia City, Bukidnon nito lamang ika-8 ng Pebrero 2023.
Kinilala ni Police Colonel Reynante Reyes, Provincial Director ng Bukidnon Police Provincial Office, ang suspek na si alyas “Jimboy”, 29, residente ng Sitio Litig Purok 5, Brgy. Barobo, Valencia City, Bukidnon.
Ayon kay PCol Reyes nasakote ang suspek bandang 1:45 ng tanghali ng mga miyembro ng Valencia City Police Station katuwang ang Revitalized Pulis Sa Barangay Cluster 3 at Regional Mobile Force Battalion 10 Maneuver Company sa bisa ng Warrant of Arrest sa kasong Frustrated Murder na may rekomendadong piyansa na Php200,000.
Ang Pambansang Pulisya ay patuloy sa kampanya kontra kriminalidad at walang humpay na pagsisikap na ilagay ang may sala sa batas sa likod ng rehas.
Panulat ni Patrolman Jomhel Tan/RPCADU10
