Malaybalay City, Bukidnon – Arestado ang isang lalaki sa kasong Frustrated Murder ng Valencia City PNP sa Purok 2, Brgy. Violeta, Malaybalay City, Bukidnon nito lamang Sabado, Oktubre 15, 2022.
Kinilala ni Police Colonel Reynante Reyes, Provincial Director ng Bukidnon Police Provincial Office, ang suspek na si Ricky Gilwa, 44, magsasaka at residente ng Purok 2, Brgy. Violeta, Malaybalay City, Bukidnon.
Ayon kay PCol Reyes, bandang 9:00 ng umaga naaresto ang suspek sa naturang lugar ng mga tauhan ng Valencia City Police Station sa bisa ng Warrant of Arrest sa kasong Frustrated Murder na may kaukulang piyansa na Php120,000.
Ang pagkakaaresto sa suspek ay resulta ng magandang ugnayan ng pulisya at mamamayan sa pagmamalasakit sa komunidad para mapanatili ang kaayusan at kapayapaan tungo sa kaunlaran ng nasasakupan.
Panulat ni Patrolman Joshua Fajardo/ RPCADU 10
