Zamboanga City – Arestado ang isang Lalaki sa isinagawang manhunt charlie operation ng Zamboanga City PNP nito lamang Mayo 2, 2023.
Kinilala ni Police Major Ramon Aquiatan Jr, Acting Station Commander ng Zamboanga City Police Station 10, ang suspek na si alyas “Russel”, 30, may asawa at residente ng Lower Sapa Seco Sto. Nino Balicascas, Brgy. Patalon, Zamboanga City.
Ayon kay PMaj Aquiatan Jr, bandang 5:10 ng hapon nang maaresto ang suspek sa kanyang tirahan sa pinagsanib na puwersa ng mga operatiba ng Zamboanga City Police Station 10 at Regional Mobile Force Battalion 9 sa bisa ng Warrant of Arrest sa kasong Frustrated Homicide.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU9
