Zamboanga City – Arestado ang isang lalaki sa isinagawang law enforcement operation ng Zamboanga City PNP sa Brgy. Sta. Maria, Zamboanga City nito lamang Lunes, Disyembre 19, 2022.
Kinilala ni Police Colonel Alexander Lorenzo, City Director ng Zamboanga City Police Office, ang naarestong suspek na si alyas “Benjie”, 37, walang asawa at residente ng nasabing barangay.
Ayon kay PCol Lorenzo, bandang 9:30 ng umaga nang naaresto ang suspek ng mga operatiba nang Zamboanga City Police Station 7 sa bisa ng Warrant of Arrest sa kasong Cyber Libel sa ilalim ng Criminal Case No.16519-16520.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
