Zamboanga City – Arestado ang isang lalaki sa isinagawang law enforcement operation ng Zamboanga City PNP sa Zone 2, Brgy. Culianan Zamboanga City nito lamang Enero 05, 2022.
Kinilala ni Police Colonel Alexander Lorenzo, City Director ng Zamboanga City Police Office, ang naarestong suspek na si alyas “Den-Den”, 44, residente ng Binay Subdivision, Brgy. Cabaluay, Zamboanga City.
Ayon kay PCol Lorenzo, bandang 9:46 ng gabi nang naaresto ang suspek ng mga operatiba ng Zamboanga City Police Station 4 at Zamboanga City Police Station 5 sa bisa ng Warrant of Arrest sa kasong Attempted Homicide na may inirekomendang piyansa na Php120,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Roneald Tumonong/RPCADU 9
