Zamboanga City – Arestado sa isinagawang Manhunt Charlie Operation ang isang lalaki na pinaghahanap ng batas nito lamang April 11, 2023.
Kinilala ni Police Major Alvin Lepiten, Acting Station Commander ng Zamboanga City Police Station 3, ang suspek na si alyas “Bernard”, 37, may asawa at residente ng Sitio Calibato, Brgy. Lamisahan, Zamboanga City.
Ayon kay PMaj Lepiten, bandang 10:10 ng gabi nang maaresto ang suspek sa kanyang tirahan ng mga pinagsanib na puwersa ng Zamboanga City Police Station 3 at Regional Mobile Force Battalion 9 sa bisa ng Warrant of Arrest sa kasong Anti-Child Abuse Law na may inirekomendang piyansa na Php180,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU9
