Arestado ang isang lalaki matapos mahulihan ng ilegal na baril sa ikinasang checkpoint ng mga awtoridad sa Brgy. Ladtingan, Pikit, Cotabato nito lamang Disyembre 25, 2023.
Kinilala ni Police Major Arvin John Cambang, Officer-In-Charge ng Pikit Municipal Police Station, ang suspek na si alyas “Awal”, 28, may asawa, at residente ng Barangay Pamalian, Pikit-SGA BARMM.
Ayon sa ulat ng Pikit Municipal Police Station, habang nagsagawa ng checkpoint ang kanilang hanay katuwang ang kasundaluhan pasado 4:00 ng hapon nang parahin ang motorsiklong minamaneho ng suspek ay tumambad sa kanila ang isang Cal. 45 pistol na may kasamang magazine at pitong bala.
Nabigo ang suspek na magpakita ng mga kaukulang dokumento kaya’t agad itong inaresto at nahaharap sa kasong paglabag sa RA 10591 o “Comprehensive Firearms and Ammunition Regulation Act”.
Mahigpit na babantayan ng PNP ang katahimikan at kaayusan ng ating pamayanan.
Panulat ni Patrolman Khnerwin Jay A Medelin
