Zamboanga City – Arestado ang isang lalaki at nahaharap sa patong patong na kaso sa Hostage-taking sa Zamboanga City nito lamang Abril 21, 2022.
Kinilala ni Police Colonel Alexander Lorenzo, City Director ng Zamboanga City Police Station, ang suspek na si Rodelyn Gaspar y Delos Santos, 25, at residente ng Purok 2, Cabatangan, Zamboanga City.
Ayon kay PCol Lorenzo, bandang 2:00 ng madaling araw nangyari ang insidente, nang makatanggap ng tawag ang Zamboanga City Police Station 7 mula sa Cabatangan COMPAC. Napag-alaman na ang suspek ay dumaan sa winasak na Amakan na pader sa bahay ng biktima na si Lovella Nazareno at tinutukan ng kutsilyo.
Ligtas naman ang biktima at sumuko sa otoridad ang suspek na nahaharap sa kasong Illegal Detention, Grave Threat, at Paglabag sa Omnibus Election Code.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong
