Davao City – Arestado ang isang lalaki sa pagdadala ng ilegal na baril matapos mahuli sa checkpoint ng pinagsamang tauhan ng Task Force Sirawan at Toril PNP sa Brgy. Sirawan, Toril, Davao City, noong Agosto 26, 2022.
Kinilala ni PMaj Carol Jabagat, Station Commander ng Toril Police Station, ang suspek na si Kamar Ali Udtog, 42, residente ng Purok Mauswagon, Brgy. Banali, Pagadian City, Zamboanga.
Ayon kay PMaj Jabagat, naaresto ang suspek matapos dumaan at parahin sa isinagawang checkpoint ng pinagsamang tauhan ng Task Force Davao at Toril PS upang inspeksyunin ang kanilang sasakyan at mga dala at doon nakita ng mga otoridad ang ilegal na baril.
Dagdag pa ni PMaj Jabagat, narekober mula sa suspek ang isang unit ng Colt Combat Commander .45 pistol na may serial number 5567 at isang magazine na may kasama na 9 na pirasong live ammunitions.
Ang suspek ay nahaharap sa kasong paglabag sa Republic Act 10591 o Comprehensive Firearms and Ammunition Regulation Act.
Nagbabala naman ang Police Regional Office 11 na huwag magdala ng baril o anumang armas na hindi otorisado at walang kaukulang dokumento dahil ito ay labag sa batas at may katapat na kaparusahan.
###
Panulat ni Patrolman Alfred Vergara
