Bukidnon – Arestado ang isang lalaki sa kasong paglabag sa RA 10591 sa ikinasang Search Warrant Operation ng PNP sa Purok 10, Halapitan, San Fernando, Bukidnon nito lamang May 11, 2023.
Kinilala ni Police Colonel Restituto Lacano Jr., Officer-In-Charge, Bukidnon Police Provincial Office, ang suspek na si alyas “Nilo”, 48, at residente ng Brgy. Halapitan, San Fernando, Bukidnon.
Ayon kay PCol Lacano Jr., bandang 10:10 ng umaga nang maaresto ang suspek sa pinagsanib na pwersa ng San Fernando PNP, Bukidnon – Provincial Intelligence Unit, 2nd Bukidnon Provincial Mobile Force Company at 1003rd Company ng Regional Mobile Force Battalion 10 sa bisa ng Search Warrant Operation.
Sa naturang operasyon ay nakuha ang isang Cal. 38 revolver, isang air gun at isang homemade air gun na pawang mga walang serial number.
Sa patuloy na pagseserbisyong nagkakaisa ng Bukidnon PNP ay hindi titigil na magsagawa ng mga operasyon laban sa mga taong lumalabag sa batas para mapanatili ang mapayapa at ligtas ang komunidad.
Panulat ni Patrolman Joshua Fajardo/RPCADU10
