General Santos City – Timbog ang isang lalaki matapos mahulihan ng mga hindi lisensyadong baril sa isinagawang Search Warrant ng mga tauhan ng Police Station 7 ng General Santos City nito lamang ika-8 ng Pebrero 2023.
Kinilala ni Police Major Dennis Yuson Jr. ang naarestong suspek na si alyas “Ricky”, 33, residente ng Purok Bia-O, Barangay San Jose, General Santos City.
Narekober sa bisa ng Search Warrant sa mismong bahay ng suspek ang isang unit ng caliber 45 pistol na Springfield Armory brand na may serial number na MO5072667 at may nakasingit na steel magazine na single column na kargado ng anim na live ammunitions ng 45mm caliber at isa pang steel magazine single column na puno ng pitong live ammunition ng 45mm caliber.
Nabigo ang suspek na magpakita ng mga dokumento na nagresulta sa pagkakaaresto sa kanya.
Samantala, sumailalim sa medical examination ang suspek bago ito i-turn over sa Police Station 7 custodial facility at inihahanda na ang reklamong paglabag sa RA 10591 o Comprehensive Firearms and Ammunition Regulation Act laban sa suspek.
Panulat ni Patrolman Charnie Atienza Mandia
