Rizal, Occidental Mindoro – Naaresto ang isang lalaki ng magsagawa ng Anti-Illegal Gambling operation ang mga tauhan ng Rizal Municipal Police Station sa Sitio Mendigorin, Brgy. Malawaan, Rizal, Occidental Mindoro nitong Linggo, Mayo 22, 2022.
Kinilala ang naaresto na si Aldrin Pardillo Paglicawan, 37, may asawa, residente ng Rizal, Occidental Mindoro.
Ayon sa pulisya, nahuli ang suspek bandang ala-1:00 ng hapon habang naglalaro ng ilegal na card game (tong-its).
Patuloy naman na tinutugis ang dalawa pang mga kasama nito na suspek na kinilala na sina Cezar Umapas Petina at Marlina Saragoza Absalon, pawang mga residente ng Rizal, Occidental Mindoro.
Nakumpiska ang mga ebidensyang Php660 na taya, isang set ng playing cards at isang floral doormat.
Ito ang resulta ng direktiba ni PCol Simeon L Gane Jr, Provincial Director ng Occidental Mindoro Police Provincial Office sa kampanya laban sa lahat ng ilegal na aktibidad sa buong lalawigan.
Source: Occidental Mindoro Police Provincial Office
###
Panulat ni Patrolman Jorge Michael C Bardiago
