Abulug, Cagayan – Arestado ng 2nd Cagayan Provincial Mobile Force Company ang isang lalaki sa paglabag sa Gun Ban sa Brgy. Libertad, Abulug, Cagayan nito lamang Huwebes, Mayo 26, 2022.
Kinilala ni Police Colonel Renell Sabaldica, Provincial Director ng Cagayan Police Provincial Office, ang suspek na si Alyas Toni, 50, residente ng Barangay Bulanao, Tabuk, Kalinga.
Ayon kay PCol Sabaldica, naaresto ang suspek bandang 2:00 ng madaling araw matapos magreport ang isang concerned citizen sa mga tauhan ng 2nd Cagayan PMFC na may isang lalaking may hawak na baril at patungo sa isang videoke bar sa nabanggit na lugar.
Agad naman rumesponde ang mga tauhan ng 2nd Cagayan PMFC at inaresto si Alyas Toni.
Nakumpiska mula sa suspek ang isang cal. 45 na baril, dalawang magazine, at dalawang bala.
Nahaharap ang suspek sa kasong Violation of Omnibus Election Code (Gun Ban) at Republic Act 10591 (Comprehensive Firearms and Ammunition Regulation Act).
Ang 2nd Cagayan PMFC ay lalo pang paigtingin ang kampanya laban sa kriminalidad para mapanatili ang kaligtasan, katahimikan at kaayusan ng buong lalawigan.
Source: Abulug Municipal Police Station
###
Panulat ni Police Staff Sergeant Mary Joy D Reyes
