Arestado ang isang lalaki matapos mahulihan ng ilegal na armas habang sumasailalim sa checkpoint ng mga tauhan ng Carmen Municipal Police Station sa Purok 4, Barangay Ugalingan, Carmen, Cotabato nito lamang Oktubre 18, 2024.
Kinilala ni Police Lieutenant Colonel Rey B Salgado, Station Commander ng Carmen Municipal Police Station, ang suspek na si alyas “Man”, 33 anyos at residente ng Sitio Urungan, Pagagawan Datu Muntawal.
Nakuha mula sa suspek ang isang unit ng caliber .45 na may nakasingit na magazine na kargado ng siyam na bala.
Ang suspek ay mahaharap sa kasong paglabag sa Republic Act 10591 o “Comprehensive Firearms and Ammunition Regulation Act”.
Ang matagumpay na operasyon ay resulta sa pinaigting na kampanya kontra loose firearms ng Cotabato PNP na naaayon sa programa ni Pangulong Ferdinand R Marcos Jr., na puksain ang anumang uri ng kriminalidad sa bansa sa pamamagitan ng agarang aksyon para makamit ang isang maayos, mapayapa, at maunlad na Bagong Pilipinas.
Panulat ni Patrolwoman Rhesalie Umalay
