Caloocan City — Arestado ang isang lalaki matapos mahulihan ito ng baril at granada sa isinagawang paghahain ng Search Warrant ng otoridad nitong Linggo, June 12, 2022.
Kinilala ni Northern Police District Director, Police Brigadier General Ulysses Cruz, ang suspek na si Salmero V. Cartago, 43, at residente ng Barangay 73, Abbey Road 3, Samson Road, Lungsod ng Caloocan.
Ayon kay PBGen Cruz, nahuli si Cartago bandang 12:00 ng tanghali ng mga tauhan ng Sub-Station 3 sa PNR Compound, Barangay 73, Abbey Road 3, Samson Road, Lungsod ng Caloocan.
Narekober sa kanya ang isang homemade single shot caliber .38 pistol, apat na pirasong caliber .38 live ammunition; at isang granada na nakabalot ng itim na electrical tape.
Nahaharap ang suspek sa paglabag sa Section 28 ng RA 10591 o Comprehensive Firearms and Ammunition Regulation Act (Illegal Possession of Firearm and Ammunitions) at paglabag sa Section 3 ng RA. 9516 (Unlawful Possession of Explosive).
Patuloy naman ang NPD sa kanilang mandato upang isagawa ang lahat ng kanilang operasyon at mapaigting pa ang kanilang kampanya laban sa kriminalidad.
Source: NPD PIO – Pat Cordova
###
