Bacolod City– Patay ang isang lalake matapos barilin ng hindi pa nakikilalang suspek sa Circumferential Road Two Kids Eatery, Purok Pine Tree, Barangay, Bata, Bacolod City, Negros Occidental, pasado alas nuwebe ng umaga nitong Linggo, Abril 3, 2022.
Kinilala ni Police Captain Armilyn Vargas, Station Commander ng Police Station 3, Bacolod City Police Office, ang biktima na si Yuki Castro y Calamba, 31, single at residente ng Purok Marapara 1, Barangay Bata, Bacolod City.
Ayon sa inisyal na imbestigasyon, bumibili lamang ang biktima kasama ang dalawa pang babae ng sigarilyo sa isang tindahan na binabantayan nina Rowena Palagtiosa, 42, at Renante Untal, 52, ng bigla na lang itong pinaputukan sa dibdib ng hindi kilalang suspek na siyang naging dahilan sa agarang pagkasawi nito.
Samantala patuloy naman ang imbestigasyon ng kapulisan sa motibo at dahilan ng pamamaril at hinimok ang publiko at mga residente na tumulong upang mas mapadali ang pagkalap ng mga kailangang ebidensiya para sa pagresolba sa naturang kaso.
###
