Lagayan, Abra – Nakiisa ang mga tauhan ng Lagayan Municipal Police Station sa isinagawang Clean-up Drive sa Poblacion, Lagayan, Abra nito lamang Lunes, Nobyembre 28, 2022.
Ang aktibidad ay pinangunahan ni Police Corporal Cesar Pacapac sa ilalim ng direktang superbisyon ni Police Lieutenant Omar Palicacad, Acting Chief of Police, Local Government Unit-Lagayan, Tourism Office, Barangay Officials at volunteers.
Ang nasabing grupo ay nilinis ang mga basurang nakatambak sa paligid ng Bubuan Spring Resort hanggang sa paligid ng Tabio River.
Ang aktibidad na ito ay kaugnay sa PNP Core value na Makakalikasan na naglalayong pahalagahan ang ating inang kalikasan upang maiwasan ang paglala ng global warming.
