Misamis Oriental – Nahulog sa kamay ng 1001st Maneuver Company ng Regional Mobile Force Battalion 10 ang isang laborer na may kasong paglabag sa RA 7610 sa Purok 4, Brgy. Consuelo, Magsaysay, Misamis Oriental nito lamang Huwebes, Enero 19, 2023.
Kinilala ni Police Captain Arnold Formento, Company Commander ng 1001st Maneuver Company, RMFB 10, ang suspek na si alyas “Rammil”, 46 at residente ng Purok 4, Brgy. Mahayahay, Magsaysay, Misamis Oriental.
Ayon kay PCpt Formento, naaresto ang suspek bandang 9:50 ng umaga ng mga tauhan ng 1001st MC, RMFB 10 katuwang ang Magsaysay Municipal Police Station sa bisa ng Warrant of Arrest sa kasong paglabag sa RA 7610 o Special Protection of Children Against Abuse, Exploitation and Discrimination Act na may rekomendadong piyansa na Php200,000.
Ang matagumpay na operasyon ay resulta ng pagsusumikap ng Police Regional Office 10 na hulihin ang mga Wanted Persons sa kanilang nasasakupan upang mapanatili ang kaayusan at kapayapaan tungo sa kaunlaran ng buong rehiyon.
Panulat ni Patrolman Joshua Fajardo/RPCADU 10
