Arestado ang isang laborer sa kasong paglabag sa Republic Act 10591 o “Comprehensive Firearms and Ammunition Regulation Act” matapos mahulihan ng ilegal na baril sa isinagawang seach warrant operation ng mga tauhan ng Senator Ninoy Aquino Municipal Police Station sa Barangay Kulaman, Senator Ninoy Aquino, Sultan Kudarat nito lamang ika-20 ng Setyembre 2024.
Kinilala ni Police Major Ronalyn P Dominder, Chief of Police ng Senator Ninoy Aquino MPS, ang suspek na si alyas “Dong”, 34 anyos, may asawa, isang laborer at residente ng Barangay Kulaman, Senator Ninoy Aquino, Sultan Kudarat.
Ayon kay PMaj Domider, matagumpay na naaresto ang suspek dahil sa pinagsanib pwersa ng Senator Ninoy Aquino Municipal Police Station katuwang ang 2nd Sultan Kudarat Provincial Mobile Force Company na nagresulta sa pagkakakumpiska ng dalawang maliit na pakete na pinaghihinalaang shabu, isang unit ng cal. 22 pistol na may serial number 40367, isang piraso ng steel magazine ng cal 22 pistol, limang pirasong bala ng cal 22 mm, isang unit cal. 5.56 break open pistol, tatlong piraso ng bala ng cal.5.56mm at tatlong piraso ng fired cartridge case ng 5.56 mm.
Ang Senator Ninoy Aquino PNP ay patuloy na pinalalakas ang kampanya laban sa loose firearms sa direktiba ng ating Pangulong Ferdinand “Bongbong” Marcos Jr. upang maging ligtas ang kanilang nasasakupang komunidad.
Panulat ni Patrolwoman Emelou Pedroso
