Matagumpay na inilunsad ng PNP Officers’ Ladies Club Foundation Incorporated (OLCFI) ang LAB Virus Project sa Camp 1Lt Vicente G Alagar, Lapasan, Cagayan de Oro City nito lamang ika-21 ng Enero 2025.
Ang naturang aktibidad ay bahagi ng inisyatibo ni Mrs. Mary Rose P Marbil, National Adviser ng PNP OLCFI, katuwang ang iba pang kasapi ng foundation na magbigay ng tulong sa hanay ng kapulisan.
Mahigit 35 na mga tauhan ng PRO 10, sa pamumuno ni Police Brigadier General Jaysen C De Guzman, Regional Director ng PRO 10 na nahaharap sa mga hamon sa kalusugan, ang natulungan at napasaya ng programang “LAB VIRUS” Love and Blessings (Spreading love in every touch).
Ayon kay Gng. Marbil, ang Love and Blessing Virus Program ay idinisenyo upang magbigay ng emosyonal na suporta at tulong pinansyal sa mga tauhan ng PNP at sa kanilang mga pamilya na nakakaranas ng mga isyu sa kalusugan.
Ipinamahagi ng programa ang mga hygiene kits, grocery packs, biscuits, bigas at wheelchairs upang matulungan ang mga benepisyaryo.
Labis ang pasasalamat ng mga benepisyaryo at tumaas ang kanilang moral dahil sa pagpapahalaga, atensyon, at tulong na kanilang natamo.
Layon ng programa na magbigay ng suporta at tulong sa mga miyembro ng PNP at kanilang pamilya na nahaharap sa mga pagsubok sa kalusugan, at itaguyod ang diwa ng pagkakaisa at malasakit sa hanay ng kapulisan para sa mas matatag na Bagong Pilipinas.
