La Union – Nagsagawa ng Community Outreach Program ang La Union Police Provincial Office sa Brgy. Upper San Agustin at Brgy. Pudoc, Bauang, La Union nito lamang Sabado, ika-4 ng Pebrero 2023.
Ang aktibidad ay pinangunahan ni Police Colonel Lambert Suerte, Provincial Director ng La Union PPO katuwang ang mga tauhan nito.
Nasa 50 na senior citizen ang nakatanggap ng grocery items, bigas, at food packs at nasa limang Person with Disability naman ang nabiyayaan ng bagong wheelchair sa pamamagitan ng Project Gulong ng “Suerte Elyu”.
Patuloy ang buong kapulisan ng La Union sa pagsasagawa ng mga aktibidad na lubos na makakatulong sa komunidad na kanilang nasasakupan.
Source: La Union Police Provincial Office
