Lubuagan, Kalinga – Mabilis na nirespondehan ng Pasil PNP ang isang kulongkulong (motor with open sidecar) na bumaligtad sa kahabaan ng Chinakan National Road, Lubuagan, Kalinga nito lamang Martes, Abril 12, 2022.
Kinilala ni Police Captain Carvon Malamnao, Hepe ng Pasil Municipal Police Station ang nakasakay sa kulongkulong na sina Ginoong Paredes Gubat, 55, may asawa at Bb. Editha Bag-ayan, 58, pawang residente ng Brgy. Mallango, Tinglayan, Kalinga.
Ayon kay PCpt Malamnao, habang nagpapatrolya ang grupo ni Police Master Sergeant Clift Oplay, naaktuhan nila ang pagbaliktad ng kulongkulong na kung saan ay nagtamo ng sugat sa ulo at kanang braso si Bb. Bag-ayan. Nilapatan ni PMSg Oplay ang biktima ng paunang lunas at kalaunan ay dinala sa Lubuagan District Hospital para sa kaukulang medikasyon.
Pinaaalahanan ng Pasil PNP ang mga motorista na mag-ingat sa pagmamaneho lalo na sa matirik na lugar at ugaliing suriin ang sasakyan bago ito gamitin.
Source: PNP PCR Pasil
###
Panulat ni Patrolman Raffin Jude Suaya
