Timbog ang isang konsehal ng barangay sa ikinasang buy-bust operation ng mga otoridad sa Brgy. Polahongon, Mahaplag, Leyte, nito lamang Disyembre 9, 2023.
Kinilala ang naaresto na si Ruel, 47 taong gulang, konsehal at residente ng Brgy. Polahongon, Mahaplag, Leyte.
Naaresto ang suspek pasado alas-5 ng hapon na pinangunahan ng mga tauhan ng PDEA Regional Office 8 kasama ang Mahaplag Municipal Police Station sa pamumuno ni Police Captain Angel Romeo Caones, OIC at Leyte PPO-PDEU.
Nakumpiska sa suspek ang 5 pakete ng hinihinalang shabu na may tinatayang timbang na 5.8 gramo at nagkakahalaga ng Php30,000.
Mahaharap ang suspek sa kasong paglabag sa Section 5 at 11 ng Art. II ng RA 9165 o Comprehensive Dangerous Drugs Act of 2002.
Ang PNP kasama ang ibang ahensya ng gobyerno ay patuloy sa pagsasagawa ng mga operasyon laban sa ilegal na droga at anumang uri ng kriminalidad sa tulong ng mamamayan para mapanatili ang maayos at payapang komunidad.
