Malitbog, Bukidnon – Sumuko ang komander ng NPA ng SRSDG EAGLES, Sub-Regional Committee 1 sa Northern Central Mindanao Regional Committee sa Barangay Kiabo, Malitbog, Bukidnon nito lamang Mayo 18, 2022.
Sumuko si Ka Jayto, 26, Komander ng SRSDG EAGLES, Sub-Regional Committee 1 sa NPA`s Northern Central Mindanao Regional Committee ng apat na taon at itinuturing din na High Value Individual.
Ang asawa ni Ka Jayto na si alyas “Renchie” ay dating miyembro at medic ng nasabing komite na nagbalik-loob sa gobyerno dahil ito ay kapapanganak lang na nakakaranas ng walang maayos na tulog, sobrang pagod at matinding gutom.
Ito ang nagtulak ng pagbabalik-loob sa gobyerno ni “Renchie” at pagkalipas ng anim na araw ay nakumbinsi niya ang kanyang asawa na si “Jayto”.
“Ang aking pananabik na makapiling ang aking asawa at anak ang nagbigay ng lakas ng loob na umalis sa kabundukan”, pahayag ni “Jayto”.
Matapos ang 10 taon na panlilinlang ng NPA tuluyan nilang tinalikuran at ilayo ang kanilang anak/pamilya sa komunistang grupo na dulot lamang ay pagmamalupit at terorismo.
Samantala, binigyan ng Skills Training at Enhanced Comprehensive Local Integration Program o E-CLIP ang mag-asawa upang magsimula ng kanilang tahimik na pamumuhay sa ilalim ng pangangasiwa ng gobyerno.
###
Panulat ni Patrolman Joshua Fajardo / RPCADU 10
