Nakiisa ang mga tauhan ng Kitcharao Municipal Police Station sa isinagawang Agus Serbisyo Carvan na ginanap sa Jaliobong National High School, Jaliobong Kitcharao, Agusan del Norte bandang 8:00 ng umaga nito lamang ika-5 ng Setyembre, 2024.
Pinangunahan ni Police Captain Allan Roy Villegas, Officer-In-Charge ang pakikilahok sa nasabing aktibidad katuwang ang Provincial Local Government Unit sa pangunguna ni Hon. Ma. Angelica Rosedell M. Amante, Provincial Governor at ang Local Government ng Kitcharao na pinamumunuan ni Hon. Jenry E Montante, Municipal Mayor, at ang mga tauhan ng Agusan del Norte Police Provincial Office sa ilalim ng pamumuno ni Police Colonel April Mark C Young, Provincial Director.
Kabilang sa mga inihandog ay ang mga serbisyong pampubliko tulad ng Medical Consultation, Dental Extraction, Operation Tuli, First Aid Orientation, Provision of Medicines, Livelihood Training, Food packs distribution, Lice Alis, Libreng Gupit at pagkain ng Dhelia’s Bakeshop kasabay ng pagbibigay ng Inpormasyon tungkol sa RA 9262 Anti-VAWC Law at Child Sexual Abuse and Prevention.
Layunin ng aktibidad na mapalapit ang mga libreng serbisyo ng pamahalaan sa mga mamamayan, lalo na sa mga lugar na mahirap maabot upang mapabuti ang pangunahing pangangailangan ng mamamayan.
Patuloy ang PNP sa pakikilahok ng ganitong aktibidad upang magbigay ng seguridad at presensya sa publiko na maaaring magpalakas ng ugnayan sa pagitan ng mga ahensya ng gobyerno at komunidad tungo sa isang maayos at ligtas na Bagong Pilipinas.
Panulat ni Patrolwoman Karen Mallillin
