Quezon City – Isinagawa ang Kickoff Ceremony ng 2023 National Crime Prevention Week na dinaluhan ni NAPOLCOM Commissioner Edilberto DC. Leonardo, bilang panauhing pandangal, na ginanap sa PNP Multi-Purpose Center, Camp Crame, Quezon City nito lamang Setyembre 4, 2023.
Ang 2023 National Crime Prevention Week ay isang pagkakataon para sa pamahalaan, law enforcement agencies, at civil society na magtipon-tipon upang itaguyod ang masusing pag-aaral ng mga estratehiya sa pag-iwas sa mga krimen.
Kabilang sa mga dumalo sa nasabing aktibidad ay ang mga matataas na opisyal ng PNP, mga miyembro ng NAPOLCOM, at mga civil sector.
Naging tampok sa aktibidad ang demonstrasyon ng Filipino Martials Arts, na maaaring magamit at siguradong makakatulong sa sinuman sa oras ng panganib.
Sa naging mensahe ng panauhing pandangal, binigyang diin niya ang kahalagahan ng pagtutulungan sa pagsasaayos ng seguridad ng ating bansa, “Ito po ay hindi lang usapin ng mga alagad ng batas o pulis lamang, ikaw, ako, siya, tayo, magkasama lahat dito.”
Ang pagdiriwang na may temang “Addressing Crime and Advancing Crime Prevention at the Local, National, and Global Levels,” ay naglalayong magbigay-diin sa kahalagahan ng pagsugpo sa krimen, magkaroon ng malalim na pag-unawa sa mga isyu ng krimen at kung paano ito maaaring makaapekto sa komunidad.
