Guihulngan City, Negros Oriental – Matagumpay na inilunsad ang Sagip-Ilog Project ng mga tauhan ng Guihulngan PNP sa Barangay Poblacion, Guihulngan, Guihulngan City, Negros Oriental na siyang dinaluhan ng iba’t ibang miyembro ng Advocacy Support Group at Force Multipliers nito lamang Miyerkules, Nobyembre 02, 2022.
Pinangunahan ng mga tauhan ng Guihulngan City Police Station sa pangangasiwa ni Police Lieutenant Colonel Romeo G Cubo, Acting Chief of Police katuwang ang mga miyembro ng Kabataan Kontra Droga at Terorismo (KKDAT), Barangay Action Peacekeeping Teams (BPATs), Bateria Livelihood (BALA) sa pamumuno ni Ems Laarnie Camannong, Bateria Fisherman Association, Brgy. Officials.
Ang Sagip-Ilog Project ay naglalayong matugunan ang mga hamon at maibsan ang negatibong epekto ng mabilis na industriyalisasyon at urbanisasyon na nagdudulot ng malaking pinsala sa mga ilog sa Lalawigan ng Negros Oriental.
Ang masugid na pakikiisa ng mamamayan at ng iba’t ibang ahensya ng pamahalaan ay isang palatandaan na ang ating hangaring mailigtas ang kalikasan mula sa kasalukuyan nitong estado ay ating makakamtan kung tayo ay tulong-tulong at sama-sama.
