Benguet (December 29, 2021) – Dinaluhan ng 44 na lider ng kabataan na nagmula sa iba’t ibang lalawigan ng Cordillera ang kauna-unahang youth summit na inorganisa ng Regional Mobile Force Battalion 15 sa Benguet noong Disyembre 27-29, 2021.
Ang tatlong araw na summit na tinaguriang “1st Youth Mobile Force Regional Summit” ay ginanap sa Our Lady of Mt. Carmel Montessori (OLMCM) Sanctuary sa Long-long, La Trinidad, Benguet.
Iba’t ibang aktibidad at paksa ang tinalakay ng mga imbitadong lecturers tulad ng pagkilala sa sarili: conflict management, pagpapaunlad sa sarili, pamumuno, komunikasyon, team building, at kamalayan sa kalusugan ng isip, gayaun din ang mga isyung panlipunan tulad ng mapanlinlang na propaganda ng Communist Front Organization.
Kabilang sina Ms Khristine E. Molitas mula sa Bayanihan Cordillera at miyembro ng RMFB 15 Battalion Advisory Council (BAC), at G. Ricky B. Ducas Jr., isang Mental Health Coordinator mula sa City Health Services Office ng Baguio sa mga kilalang lecturers na tumalakay sa mga paksa.
Sa kanyang pahayag, pinuri ng Force Commander ng RMFB15, PLtCol Joshua F Alejandro ang pagsisikap ng YMF sa pagsuporta sa iba’t ibang programa at adbokasiya ng pulisya at RMFB15 sa pagpapanatili ng kapayapaan sa Rehiyon ng Cordillera at nangakong titiyakin din niya ang suporta ng RMFB15 sa mga hinaharap na aktibidad ng Youth Mobile Force.
Source: PNP Cordillera PIO
######
