Bakas sa mga ngiti ng mga katutubong Agta ang kasiyahan sa pagbisita ng mga tauhan ng Lasam PNP sa isinagawang community outreach program sa Barangay Viga, Lasam, Cagayan, nito lamang ika-20 ng Enero 2024.
Naging posible ng aktibidad sa inisyatibo ng Lasam Police Station sa pamumuno ni PMaj Efren Tangonan, Chief of Police, katuwang ang KABALIKAT CIVICOM Lasam Chapter Force Multipliers sa katauhan ni Mr. Renier Pulpulaan at Barangay Based Advocacy Group.
Hindi alintana ng grupo ang matarik na daan paakyat ng bundok at maituturing na remote area ang lugar maihatid lamang ang mga serbisyo para sa mga Katutubong Agta.
Nagkaroon din ng feeding program at masayang tinanggap ng mga benepisyaryo ang mga bigas, damit, gatas, sabon, pati na rin ang pinansyal na tulong.
Labis naman ang pasasalamat ng mga katutubong agta sa hinatid na sorpresa ng grupo, anila malaking bagay ang kanilang natanggap at malaking tulong ito sa kanilang pamumuhay.
Tunay na sa anumang oras at panahong nakahanda ang PNP sa pagtulong at pagbibigay serbisyo kasama ang mga stakeholders sa layuning magkaisa at makapaglingkod sa ating kababayang lubos na nangangailanagan.
Source: Lasam PNP
Panulat ni Police Staff Sergeant Jermae Javier
