Davao City – Ginunita ng Police Regional Office 11 sa pangunguna ni Police Brigadier General Alden Delvo, Regional Director, ang kabayanihan at kagitingan ng mga yumaong SAF 44 nito lamang umaga ng Huwebes, Enero 25, 2024 sa Bantayog ng mga Bayani, Camp Sgt. Quintin Merecido Catitipan, Buhangin, Davao City.
Sa talumpati ni Police Lieutenant General Michael John Dubria, The PNP Chief Directorial Staff, ang Guest of Honor and Speaker ng nasabing tribute Ceremony ay binigyang diin nito ang pag-alay ng buhay ng ating kasamahan.
Ang kanilang kagitingan ay nakatatak na sa kasaysayan at nakaukit sa alaala ng bawat Pilipino. Nawa’y ang kanilang sakripisyo ay maging inspirasyon natin upang harapin ang mga hamon na may katatagan.
Dagdag pa ni PLtGen Dubria, bilang pagpugay sa mga ito, kilalanin din natin ang sakripisyo at dedikasyon ng bawat isa na nasa hanay ng pulisya na patuloy na naglilingkod at handang magbuwis ng kanilang buhay matiyak lamang na ligtas at may magandang kinabukasan ang ating bansa.
Noong 2017, nilagdaan ni dating Pangulong Rodrigo Duterte ang Proclamation No. 164 na nagdedeklara sa Enero 25 ng bawat taon bilang araw ng National Remembrance para sa “heroic sacrifice” ng 44 na SAF commandos na nasawi sa Mamasapano clash habang nasa operasyon ng “Oplan Exodus”.
Ang mga nasawing elite troopers ay pinarangalan ng Medal of Valor at Order of Lapulapu – ang most prestigious awards na ipinagkaloob sa mga uniformed personnel and officers.
Panulat ni Patrolwoman Elhynn Joy Pagsugiron
