Juban, Sorsogon – Namahagi ng may kabuuang 200 food packs ang Kasurog PNP sa mga lumikas na residenteng naapektuhan sa Phreatic Explosion ng Mount Bulusan sa Barangay Tughan, Juban, Sorsogon nitong Martes, Hunyo 7, 2022.
Ang naturang aktibidad ay pinangunahan ni Police Brigadier General Mario Reyes, Regional Director ng Police Regional Office 5 kasama si Police Colonel Jonathan Panganiban, Chief, Regional Community Affairs and Development Division.
Sa kasalukuyan, ang mga lumikas na residente ay nasa Isolation/Evacuation Center ng Juban.
Tuwa at masasayang mukha ng mga evacuees ang sumalubong sa Kasurog PNP na nagpapakita ng mataas na pag-asa na mapagaan at maibsan ang kanilang kasalukuyang sitwasyon.
Ang Kasurog PNP ay maaasahan ninyo sa lahat ng oras at handang tumulong sa lahat ng nangangailangan.
Source: Kasurog Bicol
###
Panulat ni Patrolman Jomar Danao
