Naka-full alert ang buong hanay ng PNP Bicol bilang bahagi ng paghahanda sa pagdating ng Bagyong Aghon na inaasahan na makakaapekto sa buong rehiyong Bicol.
Inalerto ni Police Brigadier General Andre P Dizon, Regional Director ng PRO 5 ang buong kapulisan ng Rehiyon Singko upang masiguro ang kaligtasan ng mamamayan sa kanilang nasasakupan sa panahon ng kalamidad.
Bukod dito, nakahanda na rin ang Reactionary Standby Support Force (RSSF), Search, Rescue, and Retrieval (SRR) teams gayundin ang Quick Response Team (QRT), para magbigay ng tulong at suporta sa posibleng paglikas ng mga apektadong pamilya.
Patuloy ding nakikipag-ugnayan ang PRO5 sa Office of Civil Defense 5, Local Chief Executives (LCEs), at iba pang kinauukulang ahensya para ipatupad ang mga aksyon na naglalayong bawasan at maiwasan ang mga casualty.
Patuloy din ang paalala ng kapulisan sa mga mamamayan na maging alerto, responsible at sumunod sa utos at payo ng mga otoridad upang masiguro ang kaligtasan ng bawat isa dahil ang gusto ng pulis ay ligtas ang mamamayan sa panahon ng sakuna.
Photo Courtesy by PNP Kasurog Bicol
