Camp BGen Simeon A. Ola, Legaspi City – Binigyan ng parangal ng Police Regional Office 5 ang ilan sa mga kapulisan na nagpakita ng katangi-tanging mga gawa sa ngalan ng paglilingkod sa mamamayan at sa bayan nito lamang ika-1 ng Agosto, 2022 kasabay ng Flag Raising Ceremony sa Camp BGen Simeon A. Ola, Legaspi City.
Ginawaran ng Medalya ng Kagalingan si Police Lieutenant Wilfred Lloyd Dimaano Berdin, Team Leader ng Retooled Community Support Program- Counter White Area Operations (RCSP-CWAO) sa pagsasagawa ng mga hakbangin na nagresulta sa mga matagumpay na accomplishment ng kanilang Team.
Habang Medalya ng Papuri naman ang iginawad kina Police Senior Master Sergeant Ricky Labudlay Gonzaga at Police Master Sergeant Celeste Benavidez Dioneda na parehong nakatalaga sa Sorsogon City Police Station, Sorsogon Police Provincial Office dahil sa matagumpay na pagsasagawa ng manhunt operation na nagresulta sa pagkakaaresto sa Rank 4 City Most Wanted Person dahil sa kasong Rape.
Parehong parangal ang iginawad naman kina Police Master Sergeant Estelito Jarical Dulva Jr. at Police Master Sergeant Jolyssis Hila Hisarza na nakabase sa Casiguran Municipal Police Station, Sorsogon PPO dahil sa pagkakaaresto sa Rank 1 Municipal Most Wanted Person sa kasong 2 Counts of Rape.
Samantala, isinagawa din sa nasabing okasyon ang pagbigkas ng Pledge of Reaffirmation of Commitment and Support for the International Humanitarian Law na pinangunahan ni Police Major Maria Luisa Tino, Chief ng Human Right Affairs Office (HRAO).
Ang Pambansang Pulisya ay nagbibigay halaga at pagkilala sa mga katangi-tanging gawa ng mga tauhan nito, patunay ng mahusay na paglilingkod ng mga ito sa pamayanang pinaglilingkuran at upang maging inspirasyon sa lahat.
Source: KASUROG Bicol
###
Panulat ni Patrolman Rodel Grecia
