Cagayan – Patuloy ang Enrile PNP sa pagsasagawa ng KASIMBAYANAN program sa suporta at pakikiisa ng My Brother’s Keeper Life-Coaches na isinagawa sa Batu Elementary School, Barangay Batu, Enrile, Cagayan nito lamang ika-11 ng Mayo 2023.
Ayon kay Police Major Rufo Pagulayan, Hepe ng Enrile Police Station, layunin ng programa na hikayatin ang pamayanan na makiisa sa kapulisan katuwang ang simbahan sa mga programa at aktibidad upang mapanatili ang katahimikan at kaayusan ng kanilang lugar.
Nagpakita rin ng tuloy-tuloy na suporta ang mga miyembro ng My Brother’s Keeper Life-Coaches (MBK-LC) sa Enrile PNP sa pamamagitan ng pagbabahagi ng mga salita ng Diyos sa mga mag-aaral at guro ng paaralan para maging matuwid ang kanilang landas at makaiwas sa paggawa ng labag sa batas.
Nagkaroon din ng feeding program at talakayan tungkol sa masamang dulot ng ilegal na droga sa katawan.
Binigyang diin ni PMaj Pagulayan na ang mga kabataan ang pag-asa ng bayan kaya sila ay mag-aral ng mabuti, makinig sa mga salita ng Diyos at sumunod sa mga magulang at nakatatanda.
Source: Enrile PS
Panulat Ni Police Corporal Carla Mae P Canapi
