Muntinlupa City — Nagsagawa ng Cascading ng KASIMBAYANAN o Kapulisan, Simbahan at Pamayanan tungo sa Kaunlaran ang Southern Police District na ginanap sa Muntinlupa City Sports Complex, Brgy. Tunasan, Muntinlupa City bandang 9:00 ng umaga nito lamang Huwebes, Setyembre 15, 2022.
Ang programa ay naisagawa sa pamumuno ni Acting District Director, Police Colonel Kirby John B Kraft.
Dumalo sa naturang aktibidad si Mayor Rozzano Rufino B Biazon kasama ang iba’t ibang sektor ng simbahan, mga Barangay Chairman, PNP personnel, at mga opisyales ng barangay.
Ito ay kaugnay sa peace at security framework ni Chief PNP, Police General Rodolfo S Azurin Jr., ang MKK=K o ang Malasakit + Kaayusan + Kapayapaan = Kaunlaran na naglalayong paigtingin ang pagkakaisa ng Kapulisan, Simbahan, at Pamayanan tungo sa isang maayos, mapayapa, at progresibong bansa.
Nagpaabot naman ng mensahe si PCol Kraft sa pamamagitan ni Police Colonel Aligre Martines, DDDA ng SPD, aniya, “We win as a community. We lose as a community. We succeed as a community. We fail as a community. Sa gabay ng ating simbahan at sa tulong ng ating pamayanan, mapupunan ang mga pagkukulang at maitatama ang mga pagkakamali. The PNP will grow and we will be able to perform our duties properly. Sa inyong malasakit, sama-sama nating makakamit ang kaayusan, kapayapaan tungo sa kaunlaran.”
Source: Southern Police District
Panulat ni PSSg Remelin M Gargantos
