Cagayan – Nagsagawa ng Community Outreach Program ang Amulung PNP at pagtitipon-tipon ang KASIMBAYANAN o Kapulisan, Simbahan at Pamayanan sa Sitio Caloocan Barangay Dadda, Amulung, Cagayan nito lamang Huwebes, ika-29 ng Disyembre 2022.
Pinangunahan ng mga miyembro ng Amulung Police Station sa pamumuno ni Police Major Llewilyn Guzman, Hepe ng naturang istasyon, katuwang ang Life Coaches sa pagsagawa ng naturang aktibidad.
Namahagi ang mga naturang grupo ng food packs, spaghetti, tinapay at damit sa mga residente ng nasabing lugar.
Bukod dito, nagbahagi din ng mga salita ng Diyos na nilahukan ng mga bata, kabataan at mga residente ng barangay.
Nagkaroon din ng talakayan at pamamahagi ng flyers tungkol sa safety tips para sa ligtas na pagsalubong sa bagong taon, Crime Prevention Tips kaugnay sa RA 8353 o Anti-Rape Law, RA 9262 o Anti -Violence Against Women and their Children Act of 2004, Anti-Illegal Gambling, Anti-terrorism at kampanya laban sa ilegal na droga.
Layunin ng naturang aktibidad na ipakita ang malasakit at serbisyo sa mamamayan upang mapanatili ang kaayusan at kaligtasan ng komunidad.
Source: Amulung Police Station
Panulat ni Patrolwoman Juliet Dayag
