Sa kulungan ang bagsak ng isang karpintero matapos maaresto ng Balamban PNP sa pagtutulak ng ilang pakete ng hinihinalang shabu at dala nitong baril sa isinagawang buy-bust operation ng mga awtoridad sa Barangay Cambuhawe, Balamban, Cebu, noong ika-27 ng Disyembre 2024.
Kinilala ni Police Lieutenant Colonel Pedy G Noval, Officer-In-Charge ng Balamban Municipal Police Station, Cebu Police Provincial Office, ang suspek na si alyas “Langga”, 33 anyos na residente ng Barangay Baliwagan, Balamban, Cebu.
Ayon sa ulat ng pulisya, bandang 1:27 ng madaling araw ng ikinasa ng mga operatiba ang buy-bust operation na nagresulta sa pagkaaresto ng suspek na kung saan huli ito sa akto na nagtutulak ng shabu matapos nitong bentahan ang isang pulis na nagpapanggap na poseur buyer.
Nasabat mula sa suspek ang anim na pakete ng hinihinalang shabu na may timbang na 0.54 gramo at may Standard Drug Price na Php3,672, buy-bust money, isang Submachine gun caliber 9mm, isang magasin ng caliber 9mm at limang bala.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act”.
Patunay lamang na patuloy ang pagsuporta ng Balamban PNP sa kasalukuyang administrasyon na labanan ang paglaganap ng ipagbabawal na gamot tungo sa mas mapayapang Bagong Pilipinas.
Source: BALAMBAN MPS SR
