Aklan – Pormal na tinanggap ng Malay PNP ang karagdagang apat na E- Trikes kasabay sa idinaos na turn-over ceremony na ginanap sa Headquarters ng Malay Municipal Police Station sa Boracay Island, Malay, Aklan, noong ika-2 ng Mayo, 2023.
Ang naturang turn-over ay bahagi ng PNP modernization program na isa sa mga paraan ng himpilan upang magampanan ng maayos ng bawat tauhan ang kanilang tungkulin partikular na sa pagpapanatili ng seguridad.
Ang nasabing aktibidad ay dinaluhan mismo ni former Chief PNP Police General Rodolfo S Azurin Jr. (Ret), kasama ang dating Director of Comptrollership na si Police Major Jesus D Cambay Jr. (Ret).
Matatandaan noong nakaraang taon habang nanunungkulan pa si PGen Azurin Jr, ay nagbigay din ito ng unang dalawang E-trikes sa istasyon ng Malay, upang mas mapalakas pa at mapanatili ang Police visibility sa isla ng Boracay na isa sa mga pangunahing destinasyon ng mga turista.
Dumalo rin sa naturang turn-over sina PBGen Leo Fransisco, PRO6 Regional Director; PCol Crisaleo Tolentino, Aklan Provincial Director; Mayor Floribar S Bautista; Radm. Leonard Tirol, Hon. Hector Casidsid, Punong Barangay ng Brgy. Yapak; Mr. Russell Cruz ng Boracay Water Sports Association; Mr. Dindo Salazar ng BFI; Pastor Jimmy Medina ng PNP Interfaith, Commissioned Officers ng PRO6 at Malay PNP.
Taos puso namang nagpaabot ng pasasalamat si PLtCol Don Dicksie De Dios, Hepe ng Malay MPS, sa Philippine National Police National Headquarters lalo na kay former Chief PNP PGen Azurin Jr. sa natanggap na bagong mga kagamitan.
“We are thankful to our CPNP PGen Azurin Jr, for the additional 4-Etrikes. They will boost the capabilities of Malay PNP and improve the mobility of our personnel to immediately respond to calls for help and assistance and to ensure a strengthened mobile patrol in the Island of Boracay.”
