Basay, Negros Oriental – Naging makulay ang pagsasakatuparan ng “Kapwa Ko, Sagot Ko Program” ng Negros Oriental PNP sa Barangay Olandao, Basay, Negros Oriental nito lamang ika-2 ng Agosto 2022.
Ang programa ay isinagawa sa pangunguna ng mga miyembro ng Basay Municipal Police Station sa direktang pangangasiwa ni Police Lieutenant Julius Rene C Peñaflorida, OIC.
Namigay ng relief goods ang naturang grupo sa piling residente ng nasabing Barangay na siya namang labis na ikinagalak ng mga nakatanggap.
Marahil ito ay simple lamang na aktibidad ngunit nag-iiwan ng malaking ngiti at kaginhawaan sa mga residenteng napiling handugan.
Ang Basay PNP ay kailanma’y hindi mapapagod sa pagpapaabot ng kanilang serbisyong tapat at may puso lalong higit sa kanilang mga residente na nasasakupan.
###
Panulat ni Patrolwoman Kyla Hannah R Evangelista
