San Francisco, Cebu – Naging matiwasay ang isinagawang Turn-over Ceremony ng “Gasa nga Puloy-anan” bilang bahagi ng Kapwa Ko, Sagot Ko Program ng San Francisco PNP sa Barangay Union, San Francisco, Cebu nito lamang ika-15 ng Agosto 2022.
Ang programa ay pinangunahan ng mga kawani ng San Francisco Municipal Police Station sa direktang pangangasiwa ni Police Major Jude Librando Cebrero, Officer-In-Charge, katuwang ang Barangay Union Officials, MAC Member, AKRHO at Sugbu Hermanos Eagles Club.
Matamis na ngiti at taos-pusong pasasalamat naman ang naging tugon ng benipisyaryo ng programa na si Mr. Eleazar Formentera sa kapulisan para sa bagong kumpuni niyang bahay na mas naging kumportable at kaaya-ayang tahanan na tiyak na magbibigay ng saya at ligaya sa lahat ng miyembro ng kanyang pamilya.
Layunin ng programa na matulungan ang bawat residenteng kanilang nasasakupan lalo na ang mga mamamayan na lubos na naapektuhan ng kinakaharap na pandemya.
Hangad ng buong hanay ng Pambansang Pulisya na patuloy na maihatid ang serbisyong nararapat sa ating mga kababayan na mas magpapatatag sa ugnayang pulisya at komunidad.
Panulat ni Patrolwoman Kyla Hannah R Evangelista
