Nueva Vizcaya – Nakiisa ang mga kapulisan ng Dupax del Sur sa isinagawang Tree Planting at Garden Development na idinaos sa Brgy. Sta. Maria, Dupax del Sur, Nueva Vizcaya nitong ika-5 ng Pebrero 2023.
Pinangasiwaan ni Police Major Ferdinand Corpuz, Chief of Police ng naturang istasyon at nilahukan ng Barangay Local Government Unit sa pangunguna ni Punong Barangay Mario Gutierrez at mga Barangay Officials ng nasabing lugar.
Nakapagtanim ang grupo ng mga bungang kahoy kagaya ng Santol at Rambutan na mayroong tig-20 piraso at mga samut saring gulay kagaya ng talong, ampalaya, okra, patola at sili.
Layunin ng aktibidad na maibsan ang pang araw-araw na gastusin at isulong ang malusog at magandang pamumuhay upang mapalakas ang pangangatawan at labanan ang kasalukuyang pandemya.
Source: Dupax del Sur Police Station
Panulat ni PCpl Harry B Padua
