Loon, Bohol – Nakiisa ang mga tauhan ng 702nd Maneuver Company ng Regional Mobile Force Battalion 7 sa isinagawang Brigada Eskwela 2022 sa Mocpoc Elementary School, Barangay Mocpoc Norte, Loon, Bohol nito lamang Agosto 16, 2022.
Ang aktibidad ay pinangunahan ni Police Lieutenant John Paul F Daga sa ilalim ng pangangasiwa ni Police Captain Melchor M Rodriguez Jr, katuwang ang mga estyudante, magulang at guro ng nasabing paaralan.
Ito ay alinsunod sa Kick-off ng Brigada Eskwela 2022 na may temang “Brigada Eskwela: Tugon sa Hamon ng Ligtas na Balik-Aral”.
Nagpasalamat naman ang mga guro ng nasabing paaralan sa lahat ng tulong ng ating PNP upang mas mapaganda at mapanatiling malinis ang paaralan para sa darating na pasukan.
Layunin ng mga kapulisan ng 702nd Maneuver Company na masigurong malinis, maayos at patuloy na maglilingkod at magbibigay ng serbisyo sa mga mamamayan partikular sa pag-aaral ng mga bata.
###
Panulat ni Patrolwoman Jenilyn Consul
