Lianga, Surigao del Sur – Sinugod sa ospital ang Kapitan ng Brgy. Diatagon, Lianga, Surigao del Sur matapos itong tambangan ng di nakilalang suspek nito lamang Biyernes, Mayo 20, 2022.
Kinilala ni Police Major Johncel Barrameda, Chief of Police ng Lianga Municipal Police Station, ang biktimang si Barangay Chairman Remegio Pareja, 80 at residente ng Purok 5, Diatagon, Lianga, Surigao del Sur.
Ayon kay PMaj Barrameda, bandang 1:30 ng hapon nang barilin si Kapitan ng di nakilalang suspek sa Purok Liboo, Diatagon, Surigao del Sur habang nagmamaneho ito ng kanyang sasakyan na Suzuki Ertiga galing sa P-7, Brgy. St. Christine, Diatagon pauwi ng kanyang bahay.
Dagdag pa ni PMaj Barrameda, nagkaroon ng tama ng bala si Kapitan sa bandang kanan ng kanyang tiyan habang nakatakas naman ang di kilalang suspek gamit ang isang Rusi na motorsiklo na tinahak ang ruta patungong Tandag City.
Narekober sa crime scene ang tatlong fired bullets at tatlong cartridge ng pinaniniwalaang bala ng caliber .45 pistol.
Ang Lianga PNP ay patuloy sa kanilang masusing imbestigasyon upang malaman ang motibo at mapanagot sa batas ang may sala.
###
Panulat ni Patrolman Jhunel Cadapan/RPCADU13
