Inilunsad ang Kapihan sa Bagong Pilipinas ng Police Regional Office 10 sa RHQ Multi-Purpose Hall ng Camp 1Lt Vicente G Alagar, Lapasan, Cagayan De Oro City nito lamang ika-6 ng Agosto 2024.
Ito ay pinangunahan ni Franklin P. Gumapon, Regional Head ng Philippine Information Agency kasama si Police Brigadier General Ricardo G Layug, Jr., Regional Director ng Police Regional Office 10 at iba’t ibang yunit ng PNP at iba’t ibang miyembro ng mga press.
Ayon kay PBGen Layug, Jr., ipinatupad ang iba’t ibang programa ng PRO 10 na tinatawag na Serbisyong CARDO para sa kolaborasyon ng iba’t ibang ahensya ng gobyerno at para mapataas ang pananaw ng publiko sa PNP at mapanatili ang kaayusan at kapayapaan sa Rehiyon 10.
Layunin ng programang ito na magsilbing gabay tungo sa isang mas mahusay at mas malakas sa pamamagitan ng “Serbisyong CARDO, Serbisyong may Puso” na nangangahulugan ng pangako sa kahusayan at pagsunod sa mga alituntunin sa paggalang at karapatang pantao, dedikasyon at namumukod-tanging pakikipagtulungan sa komunidad at stakeholder.
