Leyte – Nagsagawa ng “Kamustahan with Former Rebels” ang mga tauhan ng Leyte Police Provincial Office na ginanap sa Provincial Headquarters, Kuta Kankabato, San Jose, Tacloban City noong ika-23 ng Agosto 2022.
Ang programa ay pinangunahan ni Police Colonel Edwin C Balles, Provincial Director ng Leyte PPO na dinaluhan ng 33 na mga sumuko at nagbalik-loob sa pamahalaan para sa pagbabago at mas matiwasay na pamumuhay katuwang ang iba’t ibang ahensya ng ating pamahalaan.
Nagkaroon ng koordinasyon at konsultasyon ang mga Former Rebels sa mga ahensya ng 802nd Brigade, 8 Infantry Division; Regional Public Attorney’s Office 8; National Intelligence Coordinating Agency 8; DAR Leyte; TESDA Leyte; Office of the Provincial Agriculturist Leyte; Leyte PPO Provincial Human Rights Office; at Leyte PPO Provincial Legal Office para sa mga karagdagang tulong na pwede nilang matanggap.
Namahagi rin si PCol Balles ng mga food packs at nagkaroon ng salo-salo kasama sina PLtCol Margarito A Salaño, Deputy Provincial Director for Operations, PLtCol Dinvir Revita, Chief, PIU; PLtCol Rey B Cabelin, Chief PCADU at mga kapulisan ng Leyte Provincial Mobile Force Company.
Ang programang ito ay isang hakbang para hikayatin pa ang ating mga kasamahan sa taas na buwagin na ang makakaliwang grupo at tuluyan ng sumuko at tanggapin ang mga programa ng ating gobyerno.
Source: Leyte Police Provincial Office
###
